打小人口訣、步驟、禁忌
鵝頸橋底 · 銅鑼灣 · 驚蟄打小人全攻略 · 更新
打小人（Villain hitting）係香港流傳已久嘅民間習俗。最出名嘅地方係銅鑼灣同灣仔交界、軒尼詩道上面嘅鵝頸橋（堅拿道天橋）底：三岔路口、天橋底陰暗，傳統認為煞氣夠重。每年驚蟄，一班婆婆坐喺膠凳，用舊鞋一路打小人紙一路唸口訣，幫人趕走小人、迎來貴人。
▶ 喺網上玩 3D 鵝頸橋打小人打小人八個步驟
每個檔口做法略有不同，以下係最常見嘅流程：
- 請神：點香燭，奉請眾神明。
- 稟告：喺「百解靈符」寫低事主姓名、出生日期時辰；要針對某個小人，就寫低對方資料或者用「是非精」等統稱。
- 打小人：將小人紙放喺磚頭上，用舊鞋一路打一路唸口訣，由頭打到落腳，打到紙爛為止。
- 祭白虎：驚蟄必做。用肥豬肉（或沾豬血）塞入黃色紙老虎個口，餵飽白虎，等佢唔再傷人。
- 化解：撒芝麻、豆或米，將是非同霉運撒走。
- 迎貴人：用紅色「貴人紙」祈求貴人扶持。
- 進寶：將小人紙、紙老虎、貴人紙同金銀衣紙一齊化寶。
- 擲筊：擲兩塊筊杯，一陰一陽（聖杯）就代表儀式圓滿；有啲師傅話擲三次都唔係聖杯要由頭再打。
打小人口訣（婆仔版）
打小人冇固定口訣，講求押韻、心狠口辣。以下係廣東話資料館整理嘅「婆仔版」，一邊唸一邊打返對應嘅部位：
打你個小人頭，打到你有氣冇埞唞Beat your head, till you’ve no room to breathe
打你個小人額，打到你一世冇發達Beat your forehead, never strike it rich
打你隻小人眼，打到你成日都撞板Beat your eyes, hit a wall every day
打你隻小人耳，打到你做人冇大志Beat your ears, a life with no ambition
打你個小人口，打到你成日係咁嘔Beat your mouth, throw up all day
打你排小人牙，打到你有飯唔識扒Beat your teeth, can’t even shovel rice
打你條小人頸，打到你瞓到唔知醒Beat your neck, sleep and never wake
打你個小人肩，打到你跑馬係咁先Beat your shoulders, your horse leads… then loses
打你個小人心，打到你去見葉利欽Beat your heart, off to meet Yeltsin
打你個小人肚，打到你飲水嘔白泡Beat your belly, drink water and froth
打你條小人腸，打到你放屁特別響Beat your guts, your farts ring loud
打你條小人腰，打到你聽日發高燒Beat your waist, high fever tomorrow
打你隻小人手，打到你有嘢唔識偷Beat your hands, can’t steal a thing
打你隻小人腳，打到你有鞋唔識著Beat your feet, can’t put on your shoes
口訣來源：廣東話資料館〈打小人秘笈〉
常見問題
- 幾時打小人最好？
- 傳統以驚蟄最旺，大約每年公曆 3 月 5 至 6 日。其實鵝頸橋全年都有婆婆開檔。
- 鵝頸橋喺邊？
- 軒尼詩道與堅拿道交界嘅堅拿道天橋底，喺銅鑼灣同灣仔之間，由港鐵銅鑼灣站行過去幾分鐘。
- 打小人幾錢？
- 視乎檔口同日子，以往報道一般由約 HK$50 起，驚蟄當日可能較貴，建議開始前問清楚。
- 打小人有咩禁忌？
- 唔好指名道姓、唔好喺屋企或者公司打。有啲人亦認為唔好亂咒無辜嘅人，以免損人不利己。
- 唔喺香港點打小人？
- 可以玩呢個 3D 鵝頸橋打小人遊戲：跟足八個步驟，口訣逐句唸，擲到聖杯先算圓滿。